བསླབ་བྱ་ནོར་བུའི་གླིང་དུ་བགྲོད་པའི་ལམ་ཡིག

གུང་ཐང་དཀོན་མཆོག་བསྟན་པའི་སྒྲོན་མེས་བརྩམས།

 

教言通往珍宝洲之文牒

 

贡唐•贡曲丹贝卓美  著      刚尖翁琼  译

(图片来自网络)

 

རྒྱལ་ཀུན་མཁྱེན་རབ་གཅིག་བསྡུས་འཇམ་པའི་དབྱངས།།

ངུར་སྨིག་གར་གྱིས་རྣམ་རོལ་ཙོང་ཁ་པ།།

དངོས་གྲུབ་ཀུན་སྩོལ་བཅོམ་ལྡན་གཤིན་རྗེའི་གཤེད།།

རྣམ་གསུམ་དབྱེ་མེད་ཞབས་ཀྱི་པདྨོ་ལ།།

གུས་པས་འདུད་དོ་བརྩེ་བས་རྗེས་སུ་ཟུངས།།

 

诸佛胜慧集于文殊师,

绛红嬉戏享用宗喀巴,

赐予成就圆觉大威德,

三者无二向足下莲花,

恭敬顶礼真诚紧跟随!

 

སྐྱེ་བར་བཏགས་པས་མངོན་རློམ་ཚངས་པ་དང་།།

ཁེངས་དྲེགས་འབྱོར་པས་གཡེང་བའི་འདོད་ལྷའི་རིགས།།

མ་ཡིན་བློ་གསལ་ཚུལ་མཐུན་དོན་གཉེར་ཅན།།

སློབ་གཉེར་ཚུལ་བཞིན་བྱེད་པར་འདོད་རྣམས་ལ།།

གདམས་ངག་ཅུང་ཟད་སྦྱིན་ནོ་ཉོན་ཅིག་ཨང་།།

 

孤傲生世相续大梵天,

高傲利禄迷惑欲界天,

与之相反敏锐求学者,

欲想如理获取诸知识,

给予少许秘诀请倾听!

 

དལ་བའི་རྟེན་ཐོབ་རྒྱལ་བའི་བསྟན་དང་རྒྱལ།།

མཚན་ལྡན་བཤེས་དང་ཆོས་མཐུན་གྲོགས་ཀྱིས་བསྐྱངས།།

མཐུན་རྐྱེན་རྟེན་འབྲེལ་འཛོམས་པ་འདི་འདྲ་བ།།

ཡང་ཡང་རྙེད་པར་དཀའ་ལ་དོན་ཆེ་བས།།

ཕྱི་བཤོལ་སྤངས་ཏེ་སྙིང་པོ་ལོངས་ཤིག་ཨང་།།

 

获得有瑕人身遇正法,

具相大德如法道友教,

如此善缘条件齐聚集,

实难再次得遇义重大,

抛弃推迟争取精髓啊!

 

ལས་ཀྱིས་བསྡུས་པའི་ཕ་ཡུལ་ཉེ་དུ་ཀུན།།

བཞག་སྟེ་རྒྱང་རིང་ཡུལ་དུ་སོང་ན་ཡང་།།

རྒྱུས་མེད་ཡུལ་ནས་དོན་མེད་མཛའ་བཤེས་སོགས།།

བསྡུས་ཏེ་རྣམ་གཡེང་བྱེད་པ་སྨྱོན་པ་ཡིན།།

འོངས་དོན་ཐོས་བསམ་ལས་ལ་སྒྲིམས་ཤིག་ཨང་།།

 

因缘牵聚故乡诸亲人,

暂时丢下踏足行远方,

但在异乡与无义朋友,

一起寻欢作乐是疯子,

明确目的专于求学啊!

 

སྒོ་གསུམ་དགེ་ལ་སྦྱར་ཕྱིར་མིང་དང་དོན།།

མཐུན་པའི་བཤེས་ཤིག་རང་གི་དགེ་རྒན་དུ།།

བསྟེན་ནས་ཆོས་ཀྱི་བྱ་བ་མ་ལུས་པའི།།

རྩ་བར་མཐོང་སྟེ་བཀའ་བཞིན་བསྒྲུབས་པ་ཡིས།།

རྟེན་འབྲེལ་མགོ་ནས་འགྲིག་པར་གྱིས་ཤིག་ཨང་།།

 

为使三门紧贴善举止,

依名符其实善知为师,

如此投靠所有知识学,

明见根本如令勤实践,

首先该争取好的开始!

(三门:身、语、意)

 

སྡིག་གྲོགས་ཡིན་ཞེས་རྭ་ཅན་མི་འབྱུང་གིས།།

གཅེས་ཤིང་ཕན་པའི་ཟོལ་གྱིས་འཛུམ་བསྟན་ནས།།

རྩེ་རྒོད་གཡེང་བའི་གྲོགས་བྱེད་བག་མེད་ཀྱི།།

ལས་ལ་སྦྱོར་དེ་སྡིག་པའི་གྲོགས་ཡིན་པས།།

འགོ་བའི་ནད་བཞིན་རིང་དུ་སྤོངས་ཤིག་ཨང་།།

 

说是恶友头上不长角,

向你阿谀露出伪笑容,

寻欢散漫与你作同伴,

引向野蛮行径是恶友,

像瘟疫般远远离开啊!

 

ཆ་རྐྱེན་ཡོད་ན་མི་བཟོད་མྱུར་དུ་བརླག །

མེད་ན་མི་བཟོད་བུ་ལོན་སྟོང་འཇལ་བྱེད།།

ཅི་བྱས་ཆོས་ཀྱི་གེགས་སུ་འགྲོ་བ་འདི།།

གྲོགས་ངན་འདུ་ཚོགས་མང་བའི་སྐྱོན་ཡིན་པས།།

བསེ་རུ་ལྟ་བུ་གནས་པར་གྱིས་ཤིག་ཨང་།།

 

即使条件丰裕速拒绝,

无条件更该努力远离,

做什么都成求学障碍,

缘由是频繁接触恶友,

请像犀牛一般稳稳行!

 

མིང་ལ་མཐུན་རྐྱེན་ཟེར་ཡང་ཆོས་ཕྱོགས་ལས།།

ཉམས་བྱེད་འདོད་ཡོན་བདུད་ཀྱི་གཡབ་མོ་སྟེ།།

འདོད་ཆུང་ཆོག་ཤེས་སྔོན་བྱོན་དམ་པ་རྣམས།།

དབུལ་བས་མ་མནར་དོན་གཉིས་རྩེར་སོན་པས།།

འཕྲལ་ཕུགས་ཁེ་ཉེན་གང་ཆེ་དཔྱོད་ཅིག་ཨང་།།

 

名虽善财实为求学障,

欲望恶魔正向你招呼,

知足寡欲诸先贤大德,

安于穷苦两行圆满成,

长远眼前孰益请思索!

 

(两行:为己行和为他行)

 

གདོལ་སྤྱོད་ཁྱིམ་པའི་རྗེས་འཇུག་གཡོ་ཁྲམ་མཁན།།

ཆོས་མིན་སྤྱོད་པའི་ཐན་སྙེ་མགོ་འཕང་མཐོ།།

ལྟོ་སྐྱ་གོས་ཧྲུལ་ཐོས་དང་ཚུལ་ཁྲིམས་ཀྱི།།

བཅུད་ལྡན་སྙེ་མའི་མགོ་བོ་དམའ་ན་ཡང་།།

གཏན་གྱི་སྐྱིད་སྡུག་འདྲ་འདྲ་མིན་ནོ་ཨང་།།

 

不择手段为家谋利者,

违法行径旱穗高高挺,

短衣缺食自律勤学者,

饱满麦穗虽低下头颅,

但长远安苦不相等啊!

 

བླ་མ་ལ་གུས་མཐོ་ལ་ཕྲག་དོག་མེད།།

དམན་ལ་བརྩེ་སོགས་ནང་ནས་དུལ་གྱུར་ན།།

ཕྱི་བལྟས་ཅོལ་ཆུང་སྐྱེ་བོས་མངགས་ཚད་ལ།།

མི་ཉན་གྱོང་བོར་སྣང་ཡང་སྐྱོན་མེད་པས།།

ཕྱི་འཇམ་ཁོང་རྩུབ་སྤྱོད་པ་སྤོངས་ཤིག་ཨང་།།

 

敬重上师对胜者无妒,

若对弱小关爱心谦逊,

表面无能但不听摆布,

看似高傲却没有过错,

外柔内奸行径请丢弃!

 

མངོན་མཐོ་ངེས་ལེགས་ཡོན་ཏན་ཀུན་གྱི་རྒྱུ།།

བསྟན་པའི་གཞི་མ་ལྷག་པའི་ཚུལ་ཁྲིམས་འདི།།

རྣམ་གྲོལ་དོན་གཉེར་རྣམས་ཀྱི་སྲོག་ཡིན་ཀྱང་།།

ཚུལ་འཆོས་སྤྱོད་པ་འདི་ཡིས་ཐར་དཀའ་བས།།

བསླབ་ཁྲིམས་ངོ་ལྐོག་མེད་པར་སྲུངས་ཤིག་ཨང་།།

 

所有高贵脱俗功德基,

教法根本殊胜此戒律,

是一切解脱事业灵魂,

表面行径实难得解脱,

戒律表里如一请护持!

 

ཀུན་སྤྱོད་གཙང་བས་གཞན་གྱི་ཡིད་དུ་འཐད།།

སྨྲ་བ་ཉུང་བས་ཕོག་ཐུག་གཡེང་བ་མེད།།

དད་བརྩོན་དྲན་ཤེས་བརྟན་པོས་ཉིན་རེ་བཞིན།།

ཡོན་ཏན་ཡར་ཚེས་ཟླ་ལྟར་འཕེལ་འགྱུར་བས།།

སྒོ་གསུམ་བག་དང་ལྡན་པར་གྱིས་ཤིག་ཨང་།།

 

行为得体获别人赞赏,

沉默寡言无争吵烦扰,

坚定信念夜以继日度,

知识就像上玄月充实,

三门规规矩矩请坚持!

 

དང་པོ་ཐོས་པའི་སྒྲོན་མེ་མ་སྦར་ན།།

ཀུན་ནས་ཉོན་མོངས་སྲིད་པའི་སྐྱོན་མཚང་དང་།།

རྣམ་བྱང་ཐར་པའི་ལམ་གྱི་བགྲོད་ཚུལ་སོགས།།

བླང་དོར་ཇི་ལྟར་བྱ་བ་མི་ཤེས་པས།།

ཐོས་པས་བློ་མིག་སྦྱངས་པར་གྱིས་ཤིག་ཨང་།།

 

即使起初求学无效果,

那是因为世俗诸烦恼,

觉悟解脱道次第知识,

二者不知如何作取舍,

求学勤修慧眼请实践!

 

དོན་གྱི་རྒན་པོ་ཚིག་གི་འཁར་བ་ལ།།

བརྟན་ཕྱིར་གཞུང་ཚིག་བློ་འཛིན་མི་བྱེད་པར།།

དཔེ་ཀློག་ཙམ་དང་ངག་སྒྲོས་ཐན་ཐུན་གྱིས།།

ཉིན་རེ་འགྲོ་ཐབས་དེས་ཀྱང་མི་ཕན་པས།།

དཔེ་འཛིན་སྐྱོར་སྦྱངས་ཡུན་དུ་གྱིས་ཤིག་ཨང་།།

 

寓意老者靠词句拐杖,

为巩固知识不去背诵,

偶尔浏览或模仿读诵,

如此度过日夜无利益,

平时请多加背诵复习!

 

གཞུང་ཚིག་མང་དུ་བཟུང་སྟེ་བསྐྱར་ན་ཡང་།།

དོན་ལ་མི་སེམས་རིམ་གྲོའི་ཆོས་ཀློག་དང་།།

ནེ་ཙོའི་འདོན་པ་ལྟ་བུ་བརྒྱ་ཚར་གྱིས།།

བརྗོད་བྱའི་གནད་ལ་སྒྲོ་འདོགས་མི་ཆོད་པས།།

དོན་ལ་བརྟག་དཔྱད་ཞིབ་མོ་གྱིས་ཤིག་ཨང་།།

 

词句记得繁多且复习,

不思其义如僧人诵经,

像鹦鹉学舌般上万遍,

所讲重点却无法理解,

请对寓意多加思索啊!

 

ཀུན་བྱང་འཇུག་ལྡོག་ཚུལ་ལ་མ་རྨོངས་ཤིང་།།

ཚོགས་ཀྱི་དབུས་སུ་སྨྲ་མཁས་དཔལ་འདོད་ན།།

ད་ལྟ་བཟའ་བཏུང་ཉིད་དུ་བདེ་བ་ལ།།

ཆགས་པའི་སྐྱིད་ཆོས་འདི་ཡིས་མི་འགྲུབ་པས།།

དཀའ་སྤྱད་སྡུག་རུས་བཟོད་པར་གྱིས་ཤིག་ཨང་།།

 

全知如何取舍不迷惘,

诸行列当中欲善讲者,

今起不可贪恋口食欲,

贪图此等乐趣不成法,

努力克服安忍请坚持!

 

ཉིན་རེ་ཟས་ཀྱང་མི་དྲན་བརྩོན་འགྲུས་རྩོམ།།

ཞུགས་མ་ཐག་ནས་མཁས་པའི་གོ་འཕང་འདོད།།

ཞག་གསུམ་ལོན་ཚེ་རྗེས་མེད་གཡེང་བས་ཁྱེར།།

དེ་འདྲ་དེ་ལ་ཅི་ཡང་མི་ཡོང་བས།།

བརྩོན་པ་ཆུ་བོའི་རྒྱུན་བཞིན་སྟེན་ཅིག་ཨང་།།

 

起初忘记餐食勤奋作,

没过多久欲达智者地,

过了三天散漫又无踪,

此等举动无任何成果,

勤奋需河流般渐进啊!

 

 

དཀོར་དང་སྒྲིབ་པས་བྱིང་ཞིང་རྨུགས་པའི་སྟེང་།།

ད་རུང་ཟས་དང་གཉིད་ཀྱི་ཚོད་མ་རིག །

ལང་ཤོར་བློ་ངན་འཕྲོ་ཞིང་རྒོད་པའི་ཐོག །

ཕྱི་ཕྱིར་འཆལ་གཏམ་དུ་མས་གཡེང་བ་སོགས།།

དགག་བྱའི་རིགས་ལ་བསྒྲུབ་བྱར་མ་འཛིན་ཨང་།།

 

供物和无明引起掉举,

且不知把控食物贪睡,

恶习坏心闪现且涣散,

之后被闲言碎语带走,

对此不法行径勿辩解!

 

སྐྱོན་ཡོན་བླང་དོར་རང་གིས་མི་བྱེད་པར།།

གྲགས་སྐམ་འུད་ཀྱི་རྗེས་སུ་འབྲང་ན་ཡང་།།

ཉེན་སྐྱོན་སུ་ཡིས་ལག་པས་མི་སེལ་ལ།།

ཡོན་ཏན་སུས་ཀྱང་ཁ་རུ་མི་ལྡུག་པས།།

བླུན་པོ་ཆུ་སྣ་གར་ཁྲིད་མ་བྱེད་ཨང་།།

 

优劣取舍自己不作为,

若跟随虚名声势浩大,

谁也不能将罪恶抹掉,

功德也没法灌入嘴里,

愚者趁波逐流请丢弃!

 

ཟབ་ཟབ་མན་ངག་ཟེར་དགུ་ཚོལ་བ་དང་།།

ཐོབ་ཐོབ་མང་པོའི་རྣམ་གྲངས་གསོག་བྱེད་ཅིང་།།

སྒྲ་སྙན་སྨན་རྩིས་སོགས་ལ་མགོ་འཁོར་བ།།

གཞུང་ལུགས་ཐོས་བསམ་རྣལ་མའི་གེགས་ཡིན་པས།།

རྩ་བ་བོར་ནས་ཡལ་ག་མ་འཛིན་ཨང་།།

 

甚深秘诀需勤奋寻找,

所需词语请大量积累,

对韵诗药算等疯狂迷,

是对正统理论的阻碍,

不要舍本求末请思量!

 

རང་རང་གཞུང་གི་བརྗོད་བྱ་དགོས་དོན་སོགས།།

མ་མཐོང་ཤགས་འགྱེད་ཚིག་འཁྲི་སྐམ་པོ་དང་།།

རིགས་པས་དཔྱད་པ་མི་བཟོད་གོ་ཐོབ་ཀྱི།།

བམ་བཤད་འདིས་ཀྱང་བརྡར་ཤ་མི་ཆོད་པས།།

གོ་རིགས་ཟུང་དུ་འབྲེལ་བར་སྦྱོངས་ཤིག་ཨང་།།

 

不知获取理论重要点,

却偏爱紧扣干瘪语句,

经不起缜密思维推敲,

此等泛泛之学不管用,

加强学思结合请照做!

 

འཁྲུལ་བྲལ་གཞུང་རེ་ངེས་བཟུང་གཞིར་བྱས་ནས།།

གཞན་རྣམས་དེ་དང་སྦྱར་ཏེ་དཔྱོད་པ་ལས།།

གང་བྱུང་དཔེ་ལ་ལྟ་ཞིང་ཐམས་ཅད་ཀྱི།།

རྗེས་སུ་འབྲངས་པ་ཤེས་རབ་འཆལ་འགྱུར་བས།།

རང་ལུགས་གཏད་སོ་ཡོད་པར་གྱིས་ཤིག་ཨང་།།

 

几句无过原理为依据,

其余与此对照作思考,

遇到什么皆看旧教条,

如此思考大脑变迟钝,

有各自相应法请照做!

 

དཔྱད་པས་ངེས་པ་ལམ་ཙམ་རྙེད་ན་ཡང་།།

ཆོས་ཚུལ་ཟབ་པས་ཐག་གཅོད་མི་སྔ་ཞིང་།།

འགྲིག་འགྲིག་མང་བོས་རྣམ་རྟོག་རྒྱ་སྐྱེད་པས།།

དཔྱད་པ་མ་ཐལ་གཞུང་ལ་འཁྲིལ་བཞིན་དུ།།

རྒྱས་བསྡུས་འཚམས་པའི་དཔྱད་ཚུལ་གྱིས་ཤིག་ཨང་།།

 

思考获得丁点自见地,

但也不可过早下定论,

是否真实需反复验证,

放进标准需逻辑求证,

适当扩缩分析请如是!

 

མ་རིག་མུན་སེལ་ཐོས་པའི་མེ་སྦར་ཅིང་།།

ང་རྒྱལ་དུ་བའི་ངོ་བོར་འཁྱིལ་བ་ཡིས།།

ཕྱི་ཕྱིར་སྐྱོན་ཡོན་མཐོང་བ་སྒྲིབ་བྱེད་ལ།།

ཆོས་སུ་སོང་ན་ཤེས་རྒྱུད་དུལ་དགོས་པས།།

སྙེ་མ་ལོང་བ་མགོ་འཕང་མ་མཐོ་ཨང་།།

 

消除无明求心胜焰火,

夹杂参合傲慢浓烟滚,

就要明见优劣迷障物,

如法思量心性需平和,

饱满麦穗低头勿狂傲!

 

མཐོན་པོའི་སྒང་ལ་ཆུ་བོ་མི་ཆགས་པས།།

དམན་ས་བཟུང་སྟེ་གུས་པའི་བརྟུལ་ཞུགས་ཀྱིས།།

ཆོས་མཐུན་བློ་ཁ་མཐོ་བ་ཐམས་ཅད་ལས།།

བློ་སྐྱེ་གང་ལོན་བྲེ་གསོག་ཕུལ་གསོག་གིས།།

སྒྲོ་འདོགས་འཕྲལ་དང་འཕྲལ་དུ་ཆོད་ཅིག་ཨང་།།

 

高岗陡处无法汇水滴

找寻低处以谦逊举止,

一切如法造诣高深处,

受何种启发点滴积累,

迅速断除伪造请照做!

 

དབུ་ཚད་ཟུང་དུ་འཇུག་པའི་ལྟ་བ་དང་།།

ཆོས་མངོན་མཛོད་དང་ཕ་རོལ་ཕྱིན་པའི་སྒོམ།།

བསྟན་པའི་ནང་མཛོད་འདུལ་བའི་སྤྱོད་པ་རྣམས།།

མ་ཚང་བསླབ་གསུམ་ཡ་བྲལ་འགྱུར་བའི་ཕྱིར།།

བཀའ་པོད་ལྔ་ལ་ཚང་བར་སྦྱོངས་ཤིག་ཨང་།།

 

中观因明结合胜见地,

俱舍和般若智见禅修,

正法俱舍律藏诸修持,

为成精通三学无敌者,

请全面攻修五部大论!

 

དཀའ་བས་བསགས་པའི་མང་ཐོས་ནོར་བུ་ཡང་།།

བརྗེད་ངས་རྐུན་པོས་དལ་གྱིས་འཇོམས་བྱས་ཏེ།།

རིན་ཆེན་གླིང་ནས་སྟོང་བར་ལྡོག་སྲིད་པས།།

རྒྱུན་དུ་གོམས་འདྲིས་དྲན་ཤེས་བརྟན་པོ་ཡིས།།

གང་ཤེས་བརྗེད་པ་མེད་པ་སོགས་ཤིག་ཨང་།།

 

勤苦得来博学珍奇宝,

健忘小偷会慢慢掏空,

也许从珍宝洲无功返,

因此平时需多加巩固,

所学不忘积累请照做!

 

སྙིགས་དུས་བློ་དང་བསོད་ནམས་དམན་པའི་ཕྱིར།།

ལྷག་པའི་ལྷ་དང་ཡི་དམ་ཆོས་སྲུང་ལ།།

རྩེ་གཅིག་གསོལ་འདེབས་ཕྱག་མཆོད་མཎྡལ་སོགས།།

ཚོགས་བསགས་སྒྲིབ་སྦྱོང་འབད་པ་དྲག་པོ་ཡིས།།

ཞིང་གི་མཐུ་ལ་རྒྱབ་རྟེན་གྱིས་ཤིག་ཨང་།།

 

浊时思维福德皆日下,

向殊胜尊神本尊护法,

专心祈祷供养曼扎等,

猛烈勤修来积福消业,

依靠福田威力请照做!

 

ཐུན་མོང་ལམ་སྦྱངས་སྔོན་དུ་མ་སོང་ཞིང་།།

གཞུང་དོན་ལྟ་བའི་བློ་མིག་མ་ཕྱེ་བར།།

ཆོ་གའི་ངག་འདོན་བྱང་བ་ཙམ་ཞིག་གིས།།

གསང་སྔགས་འཆང་བའི་གྲལ་དུ་མི་ཚུད་པས།།

བསྟན་ལ་རིམ་པ་བཞིན་དུ་སློབས་ཤིག་ཨང་།།

 

从未踏进过共同修道,

明见大业慧眼也未开,

仅通晓熟练念诵仪轨,

精通密宗队伍实难入,

依次修学正法请照做!

 

གསང་ཆེན་རྒྱུད་ཀྱི་རྒྱལ་པོའི་སྨན་ཧྲོག་རྣམས།།

སྦྱོར་བར་བསྡེབས་པ་བསྐྱེད་རྫོགས་རིམ་པ་སོགས།།

ཡིན་ཕྱིར་གཞུང་ལུགས་ཆེ་རྣམས་ཡལ་བོར་ནས།།

མན་ངག་ཁོ་ནར་དགའ་བ་གནས་མིན་པས།།

རྩ་བཤད་སྦྱར་ཏེ་རྒྱུད་དོན་ཚོལ་ཅིག་ཨང་།།

 

金刚密乘总主诸秘诀,

加行结合始末次序等,

将所有理论遗忘丢失,

偏爱秘诀不是解脱道,

结合口诀琢磨精髓啊!

 

གསང་སྔགས་དེ་ཡང་འཕྲལ་གྱི་རྐྱེན་སེལ་ལམ།།

ཚེ་དང་ནོར་སྒྲུབ་དབང་སྡུད་མངོན་སྤྱོད་སོགས།།

ཚེ་འདིའི་ལག་ཆ་ཁོ་ནར་འཁྱེར་བ་ནི།།

ས་མཆོག་ཙན་དན་སོལ་བར་བྱས་འདྲ་བས།།

ཆོས་ཀྱིས་ངན་སོང་བསྒྲུབས་པ་མ་བྱེད་ཨང་།།

 

密乘也能消除诸灾祸,

办成延寿聚财掌权等,

仅仅当做此生工具用,

就像毁掉圣地旃檀树,

勿以教法造堕恶趣因!

 

སྔགས་གཞུང་ཐོས་བསམ་བྱས་པའི་ཉིང་དགོས་སུ།།

རྒྱལ་ཀུན་དགོངས་པ་གཅིག་གྱུར་རྟག་པའི་བཀའ།།

དངོས་གྲུབ་རྩ་བ་དམ་ཚིག་བསྲུང་བ་འདིར།།

འབབ་པའི་ཚུལ་ལ་གོ་བ་གཏིང་ཚུགས་པ།།

གཏན་འདུན་འཆུགས་པ་མེད་པར་གྱིས་ཤིག་ཨང་།།

 

学修密法务必要做到,

佛陀精髓合一不变令,

护持此成就根本诺言,

如法须坚定牢固信念,

牢记长远愿望勿混淆!

 

ཁྱད་པར་ལྟ་བ་སྙིགས་མའི་གནས་སྐབས་འདིར།།

དམ་བཅའ་ཙམ་གྱིས་མཁས་རློམ་སྐྱེ་བོ་ཡི།།

སྔོན་མེད་ལེགས་བཤད་སྐད་ཀྱི་འཆལ་གཏམ་ཡང་།།

བསོད་ཆུང་ཤེས་འཆལ་རྣམས་ཀྱི་རྣར་འགྲོ་བས།།

རི་བོང་ཅལ་གྱི་རྗེས་སུ་མ་རྒྱུག་ཨང་།།

 

尤以浊时邪见此时段,

仅以誓言居高自大者,

编造未有虚假奇幻事,

缺福愚者以为确有此,

切勿随波逐流请照做!

 

འཇམ་པའི་དབྱངས་ཀྱིས་ཉིན་བཞིན་གདམས་པ་ཡིས།།

རྒྱལ་བའི་དགོངས་པ་མཐའ་དག་མངོན་གྱུར་པ།།

བློ་བཟང་རྒྱལ་བ་ཡིས་ཀྱང་མ་ཐོན་པའི།།

གསར་བཤད་ཕྲ་མེད་མ་ཡི་སོ་ནམ་དེས།།

ཕན་ལས་གནོད་པ་ཆེ་བས་སྒྲིམས་ཤིག་ཨང་།།

 

文殊菩萨日日受教者,

佛陀所有教义通达者,

洛桑佛陀也未说出口,

新知新法推行狂躁者,

伤害大于利益请慎行!

 

ཐུགས་བཅུད་ཟབ་མོར་བསྔགས་པ་ཙམ་མིན་པར།།

རྒྱན་དྲུག་མཆོག་གཉིས་གྲུབ་ཆེན་ཐམས་ཅད་ཀྱི།།

རང་གཞུང་དབང་པོར་བཞུགས་པའི་མདོ་རྒྱུད་ཀུན།།

གསལ་བྱེད་རྒྱལ་བ་གཉིས་པའི་ལུགས་བཟང་འདི།།

བློ་རྩེ་གཅིག་ཏུ་དྲིལ་ཏེ་འཇུས་ཤིག་ཨང་།།

 

教法精义不单是赞颂,

六胜二严诸大成就者,

教理独一无二诸显密,

透彻第二佛陀此善派,

用心全神贯注请精进!

 

གར་རྒྱུགས་ཕྱོགས་སུ་དཀྱུས་སྟོན་བྱེད་པ་བཞིན།།

དང་པོ་ཉིད་ནས་གཅིག་ཤེས་གཉིས་ཤེས་ཀུན།།

སྲིད་པར་འཁྱེར་བའི་དམུ་རྒོད་སེམས་ཀྱི་རྟ།།

འདི་ཉིད་གདུལ་ཐབས་ཁོ་ནར་འཁྱེར་བ་ཡིས།།

ཐོས་བསམ་ཆོས་སུ་འགྲོ་བར་གྱིས་ཤིག་ཨང་།།

 

奔跑何处需把持方向,

从一开始就该用功学,

被狂野意马带向世俗,

驯服野马只有一方法,

将心转向佛法勤奋学!

 

འཁོར་ལོ་བཞི་ལྡན་རྟེན་བཟང་ཐོབ་སྐབས་འདི།།

འཁོར་བའི་འཆིང་བ་གཅོད་པའི་དུས་ཡིན་པས།།

འཁོར་གསུམ་སྐོར་བའི་ཐབས་ཙམ་མ་ཡིན་པར།།

འཁོར་ལོ་གསུམ་གྱི་དགོངས་དོན་ངེས་རྙེད་ནས།།

འཁོར་གསུམ་དག་པའི་དགེ་སྦྱོར་གྱིས་ཤིག་ཨང་།།

 

得遇具备四轮好人身,

斩断轮回捆缚善机遇,

不为三界轮回逗游玩,

明瞭三转法轮诸教义,

三界清净善行请照办!

 

ཆོས་ཀྱི་རྩ་བ་བསམ་པའི་བཟང་ངན་ཡིན།།

ཆོས་ཀྱི་སྒོ་འབྱེད་རྣམ་དག་ཐོས་པ་ཡིན།།

ཆོས་སུ་སོང་ཚད་འདི་སྣང་ཞེན་ལོག་ཡིན།།

ཆོས་ཀྱི་སྙིང་པོ་ཐབས་ཤེས་ཟུང་འཇུག་ཡིན།།

ཆོས་ལ་ཆོས་བཞིན་སྤྱོད་པར་གྱིས་ཤིག་ཨང་།།

 

正法根本在于心善恶,

开启教门需广学多闻,

步入教法会生厌世心,

教法精髓是悲智双运,

如法修持教法请照办!

 

རྣམ་མང་གཞུང་ལུགས་ཟབ་ཡངས་ཆུ་གཏེར་ལས།།

རྣམ་དག་ཐོས་པའི་ནོར་བུ་ལེན་པའི་ཚུལ།།

རྣམ་པར་བཤད་པའི་མིག་སྨན་ཐུར་མ་ཡིས།།

རྣམ་གྲོལ་དོན་གཉེར་ཡོངས་ཀྱི་མིག་ཕྱེ་སྟེ།།

རྣམ་ཀུན་མཁྱེན་པའི་དཔལ་ལ་སྤྱོད་གྱུར་ཅིག །

 

浩繁教理深广汪洋里,

欲获取精密知识珍宝,

以善说妙言眼药尖针,

一切解脱事业能开眼,

愿能觉悟享用圆满智!

 

 

2016年6月18日初译,2016年8月24日修改

 

        刚尖翁琼,男,藏族,原名当增扎西, 1989年6月生于甘南迭部,毕业于西南民族大学藏语言文学专业。本着一颗赤诚的心,用笔杆叙写所见所闻,兼做翻译。